Tilviljunarfiskur

Hráefni:

• Ýsa, þorskur eða annar hvítur fiskur, roð og beinhreinsaður
• Lime-pipar
• rófa, skorin í litla teninga
• 2-3 gulrætur, skornar í litla teninga
• 1 laukur, fínt saxaður
• slatti af frosnu blómkáli, niðursöxuðu
• 5 cm bútur blaðlaukur, fínt saxaður
• 1 soho hvítlaukur (í körfunum, eða 2-3 rif), fínt saxaður (ekki pressaður!)
• 1/2 dós sýrður rjómi
• 4 msk rjómaostur
• 4 tsk dijon-sinnep
• 1 tsk karrý
• 2 tsk kóríander
• 1 msk hunang
• 5 msk relish (maukaðar súrar gúrkur, sjá)

Aðferð:

• Fiskurinn skorinn niður í stóra bita (hvert flak kannski í 2-3 bita) og þeim raðað í eldfast fat.
• Kryddað vel með lime-pipar.
• Grænmetið allt saxað og því blandað saman í skál
• Kryddað með svörtum pipar
• Öllu í sósuna er blandað saman í annarri skál og smakkað til
• Smyrjið svo sósunni yfir flökin og skutlið grænmetinu yfir.
• Inní ofn á 190°C í ca 25 mínútur.

Hægt er að bera þennan rétt fram með soðnu kínóa (quinoa) með smátt skorinni gúrku, tómötum og fersku kóríander. Hægt er að krydda kínóað með lime-pipar, smá karrý, sveppatening og smá salti áður en kveikt er undir því.

Uppskrift stolið héðan.

Tandoori kjúklingabringur

Hráefni:

• 4 kjúklingabringur
• ½ laukur
• 1 msk sítrónusafi
• 1 tsk rifinn engifer
• 1 msk olía
• 1 dl ab- mjólk
• 3 msk tandoori kryddblanda
• 1/2 tsk chili mauk (valfrjálst)

Aðferð:

• Skerðu kjúklingabringurnar í bita
• Blandaðu öllu öðru hráefni saman og býrð til marineringu.
• Settu kjúklinginn í sósuna og láttu marinerast í ca 15 mín.
• Láttu bitana á ofnplötu (með smjörpappír) og bakaðu á 200°c í ca. 30 mín.

Gott er að bera fram með hrísgrjónum og/eða blönduðu salati.

Kjúklingur með beikoni

Hráefni:

• 4 kjúklingabringur
• 125 grömm rjómaostur með kryddblöndu
• 50 grömm rifinn ostur
• 2 teskeiðar grófkorna sinnep eða dijon sinnep
• Nýmalaður pipar
• 8-12 sneiðar magurt beikon
• 250 grömm kirsuberjatómatar 

Aðferð:

• Hitaðu ofninn í 200 gráður. 
• Leggðu kjúklingabringurnar á bretti og skerðu djúpan vasa í aðra hliðina á hverri þeirra með beittum hníf. 
• Hrærðu saman rjómaosti, rifnum osti og sinnepi. 
• Skiptu blöndunni í fjóra hluta og fylltu bringurnar. 
• Kryddaðu þær með dálitlum pipar og vefðu svo 2-3 beikonsneiðum utan um hverja bringu. 
• Raðaðu þeim í eldfast mót og dreifðu tómötunum í kring. 
• Steiktu kjúklinginn og tómatana í ofninum, í um 20 mínútur, eða þar til bringurnar eru steiktar í gegn og ostayllingin farin að bráðna. 
• Berðu bringurnar og tómatana fram í mótinu eða settu á fat.
• Skafðu bráðinn ost og soð úr mótinu, hrærðu það saman og berðu það fram sem sósu.

Gott er að bera fram blandað salat með kjúklingnum.


Uppskrift af http://www.vefuppskriftir.com

Ýsu-og rækjuréttur

Hráefni:

• 800 g ýsuflök
• 300 g rækjur
• 200 g sveppir
• 1 laukur
• 1/2 blaðlaukur
• 1 græn paprika
• 1 rauð paprika
• 2 gulrætur skornar í sneiðar
• 1/2 dós ananaskurl
• 150 g rjómaostur
• 1 1/2 dl rjómi/ kaffirjómi
• 1/2 tsk paprikuduft
• 1 tsk karrý
• 1 1/2 tsk súpukraftur

Aðferð:

• Steikið lauk og blaðlauk í smjöri
• Bætið við paprikunni, gulrótunum, sveppunum, ananaskurlinu og safanum
• Látið krauma í smástund. 
• Setjið rjómaostinn og rjómann út í og látið jafnast út. 
• Bætið kryddunum og súpukraftinum við.
• Þá er fiskurinn settur út í og látið krauma í 8-10 mínútur. 
• Bætið nú rækjunum út í og sjóðið í 1-2 mínútur. 

Meðlæti: hrísgrjón og/eða salat/hrásalat

Uppskrift tekin af www.bb.is

Lambalærissneiðar með sítrónu og mintu

Lærissneiðarnar eru góðar steiktar en enn betri grillaðar. Hráefni: 4 stk Lambalærissneiðar 1 stk Hvítlauksrif (saxað) 1 búnt Vorlaukur (saxaður) 1 tsk Mintulauf  (söxuð) 1 stk Sítróna, safi og börkur  4 msk Jómfrúarólífuolía  Salt og svartur pipar Aðferð: Blandið saman hvítlauk, vorlauk, mintu, sítrónusafa, rifnum sítrónuberki og ólífuolíu. Skerið í fitulagið á lærissneiðunum með jöfnu millibili (til þess að það verpist ekki þegar þær eru grillaðar/steiktar) og raðið þeim á djúpan bakka, þannig að vel fari um hverja sneið. Hellið kryddlögnum yfir kjötið, hyljið bakkann með plastfilmu og geymið í kæliskáp yfir nótt (allavega nokkrar klst.) Grillið sneiðarnar á útigrillinu eða steikið á pönnu og kryddið til með salti og pipar. Gott að bera lærissneiðarnar fram með hvítlaukssósu, bökuðum kartöflum og góðu grænmeti. Hægt er að nota annað lambakjöt en lærissneiðar, ss. kótelettur eða framhryggjasneiðar. Uppskrift tekin af www.kjarnafaedi.is